•• حبيبـي لا يبكيـك الفــراق ولا يـهـد حيـلـك !

السلام عليكم ورحمة الله وبركاته
مسـائكم خير بطـاعة الرحمن


*


مـر علي بيت من هالقصيدة وعجبنـي ، دقيت سلف لـ قوقل إلا وتطلع لي قصيدة كـاملة !

للشاعر الكويتي / سـالم سيـّار ، استمعت لباقي قصائده وإلقائه جداً رائـع يزيد من حلاة الكلمـات ، أنصحـكم بالإستماع والقراءة في نفس الوقت ..


http://www.movn.net/voices-action-show-id-1348.htm







تجيني طيف يا عمري على جنحان شوقـي لـك
أخاف أرمش من عيوني وأبعثر جيّت وصالـك

حبيبي ! لا تجيني قول وين أنت ؟ وأنا أجـي لـك
أبيـك تقول وين أنت وعلى عيوني أنا أسعى لـك

وربي فوق روس الشوك لا اخلي القلب يمشي لك
واخلي ظلالي يسبقني قبـل يحضنـي منزالـك

ثواني بس ابتهندم ! من عيونـك وأبهـدي لـك
في عينـك ضحكـةٍ حتـى تكحّـل عيـن عذالـك

يقولوا الناس : بغيابي تشب القلـب ويضـوي لـك !
حنيني ومن وهج شوقه يميـل القلـب لا مالـك

قضى دمعي من عيوني أبي من عينك أبكي لـك
أبنثر من ورا عيوني دمـوع عيـون ترحالـك

تعبت أهرب من الأشيا البسيطـه مـن تفاصيلـك
تعبت أسأل زوايا البيت عن أول وآخر أحوالـك

وحتى الشوق من صبح الدرايش قـام يهـدي لـك
عصافير الرضا ترفـرف علـى بيبـان مدخالـك

هنا ترمي صباح الخير .. قبل لا تروح وأدعي لـك
وهنا تضوي مساء الخير .. في عيني مـن هلالـك

انا من الليل يقطفني شعوري لـك واغنـي لـك
انا من الصبح يليّلني الحزن مـن لـون موّالـك

حرام الليل ماهو ليل ! إذا مـا كنـت فـي ليلـك
وحرام الصبح ماهو صبح ! إذا ما كنـت فـ ظلالـك

تروح وقلت : أحط روحي على كفـي واناديلـك
نزعت العمر مـن شفـت الغـلا بالـروح نادالـك

بربك قول : وش سوى الفـراق بوجـه منديلـك ؟
تسيل الوان طيفي فيـه إلـى مـن البكـا سالـك

حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك ..!

تعال أحتاج اأسولف لك عن الأيـام واشكـي لـك
وافض غيم الحزن وأنثر حنيـن الشـوق بقبالـك

تعال وحط فـي قلبـي همـوم الفرقـا وأشيلـك
لان القلب ماهو قلـب اذا فـي نبضـه مـا شالـك

وقف دمعي من عيوني أبي من عينك ابكي لـك
أخاف أبكي من عيوني وابعثر جيت وصالـك ..!

صح نبضك وصح لسانك ...
إطروحه رائعه ونص فاخم ..
متألق كما عرفناك ..


صباحكـ ومساءكـ شعر ..

يسلم ذوووووقك قصيده في قمه الرووووعه



بانتظااار ابدااااعك

المشاركة الأصلية كتبت بواسطة سمو الأميره

صح نبضك وصح لسانك ...
إطروحه رائعه ونص فاخم ..
متألق كما عرفناك ..


صباحكـ ومساءكـ شعر ..

سموه الاميرة

ألف شكر على المرور العذب

عوااااااافي

المشاركة الأصلية كتبت بواسطة ريم الفلا

يسلم ذوووووقك قصيده في قمه الرووووعه



بانتظااار ابدااااعك

الابداع هو حضورك في متصفحي

تسلمين على المرور و الرد الجميل

ربي يعافيك

قصيده ذووووق


وذائقه رائعه



يعطيك الف عافيه



تقبل مروري





مودتي

صح ذوقك خييو

ذكرتنى بفراق الغوالي
الله يرجعهم بالسلامه وتقر عيني بشوفتهم